ངའི་འཚོ་བ།

ངའི་འཚོ་བ།

ཁྱུང་ཐོག་རྒོད།

སྨུག་པའི་ཞལ་ཁེབ་བཀབ་པའི་རི་གྲོང་འདི།།
ལས་ཀྱིས་བསྐོས་པའི་ཕ་ས་གཉིས་པ་ཡིན།།
ཐལ་རྡུལ་གྲེ་བར་འཚངས་པའི་འབགས་བཙོག་ལ།།
ཅི་མི་སྙམས་པའི་བཟོད་པ་ཆེན་པོ་ཡིས།།
དག་གཙང་དྲི་མ་མེད་པའི་གནས་ཤིག་ཏུ།།
སེམས་ཀྱི་གཤིས་ལ་མངོན་པར་བཞེངས་ཟིན་ནོ།།

སྐྱ་ཆད་སྔོ་སྡུག་མི་ཚེ་མོག་པོ་འདི།།
རང་གིས་གདམས་པའི་ལམ་ཁ་ངོ་མ་ཡིན།།
སྲན་ཐུག་དུས་དྲུག་སྐོར་བའི་སྟོན་མོ་ལ།།
སུན་དུ་མེད་པའི་ཆོག་ཤེས་གྲུང་མ་ཡིས།།
རང་ལ་འཚམས་པའི་ཕུན་ཚོགས་ནོམ་ཞིག་ཏུ།།
འཚོ་བ་སྣུམ་པོའི་མདོག་ཏུ་བསྒྱུར་ཟིན་ནོ།།

ཁྱིམ་པའི་ཁྱུ་ནས་བུད་པའི་བེམ་གོག་འདི།།
རང་ལ་དབང་བའི་བྲན་གཡོག་ཁེར་རུ་ཡིན།།
དབྱར་ཉི་དགུན་རླུང་འཐབས་པའི་དཀའ་སྡུག་ལ།།
སྡུག་རུས་ཆོག་པའི་དད་པ་བཙན་པོ་ཡིས།།
བསྐལ་བར་བསགས་པའི་བསོད་ནམས་ཚོགས་ཤིག་ཏུ།།
སེམས་ཀྱི་ཟབ་ས་དེ་ནས་བསྒོམས་ཟིན་ནོ།།

སྙུ་གུའི་སོ་ལས་བཤར་བའི་དབྱངས་རྟ་འདི།།
འཚོ་བ་དངོས་ལ་སྦྱར་བའི་ཟིན་ཐོ་ཡིན།།
ལས་ཀྱིས་བཞེངས་པའི་ལོ་རྒྱུས་ངོ་མ་ལ།།
རྫུན་གྱིས་མ་འབགས་རང་ཚུགས་དྲང་པོ་ཡིས།།
མྱོང་བ་དངོས་ལ་བསྲེས་པའི་སྐད་ཅིག་ཏུ།།
ལྷོ་མཐའི་ནགས་འདབས་དེ་ནས་བོས་ཡོད་དོ།།

དྲི་བ། གནའ་བོའི་བོན་ཟེར་ན་གང་ཡིན་ནམ།

ལན། དེ་ནི་སྟོན་པ་གཤེན་རབ་མི་བོ་བོད་གངས་ཅན་ལྗོངས་སུ་ཞབས་མ་བཅག་པའི་གོང་གི་བོད་ཀྱི་ས་ཁུལ་རྣམས་ལ་གནས་སྐབས་ཀྱི་རྐྱེན་ཟློག་ཆེད་ལྷ་ཀླུ་དང་སྡོང་སྡེབ་ནས་གཏོ་བཅོས་བྱེད་པའི་ཡུལ་ཆོས་ཉི་ཚེ་བ་ཞིག་ལ་ཟེར། མུ་མཐུད་ཀློག

བཞི་གཉིས་ལྔ་ཡི་གོད་ཆག།

གནམ་གྱི་ཉི་ཟླ་ཟུང་གི་འོད་སྣང་མོག།
དོག་གི་མཛེས་སྡུག་རྡུལ་གྱི་ཀློང་དུ་ཐིམ།།
རྒྱབ་ཀྱི་རི་བོ་དེ་ཡང་དངངས་ཏེ་འཁྱོམ།།
ཞབས་ཀྱི་སྲ་བརྟན་ས་ཡང་སྐྲག་ཏེ་འདར།།
གྱོང་གི་ཞིག་རོ་སྟོང་གི་སྲུབ་ཀ་ནས།
རྣམ་ཤེས་གཅེར་བུ་འབུམ་གྱི་སྟོང་གཟུགས་བསྒྲེང་།།

མུ་མཐུད་ཀློག

འཁོར་བ་སྤྲུག་པའི་ཁྱེའུ་ཞིག།

སྐུ་ཡི་གོམ་སྟབས་གཅིག་གིས་ཀྱང་།།
གླིང་བཞི་སྐོར་བའི་སེང་ཆེན་ཞིག།
ད་ཞག་འཛམ་གླིང་ནུབ་ཕྱོགས་སུ།།
གཤེན་བསྟན་གངས་རིའི་རྩེ་རུ་འགྱིང་།། མུ་མཐུད་ཀློག

བསྟོད་ཚིག་དད་པའི་རང་མདངས།

གངས་རི་ཞོ་སར་འདྲ་དེའི་ཕར་ཕྱོགས་ན།།

བྲག་རི་མཚལ་ཞུན་འདྲའི་དེའི་འགྱིང་ཁུག་ན།།
གྱེར་བསྟན་རྒྱ་མཚོ་བརྔུབས་པའི་ཉེར་ལེན་གྱིས།།
ཚོགས་གཉིས་ནོར་བུས་མཚན་པའི་ཟླ་གཞོན་ཞིག།
གཤེན་སྡེ་སྐར་ཚོམ་བསྟར་བའི་སུམ་གླང་གི།
གཡུང་དྲུང་ཁྲི་འཕང་བརྩེག་པའི་མཁའ་ནས་འཛུམ།།

མུ་མཐུད་ཀློག

(དཀོར)ཞེས་པའི་དོན་གླེང་བ།

སྤྱིར་(དཀོར)ཞེས་པ་ནི་དངོས་རྫས་སྤྱི་ཡི་མིང་ཡིན་ལ་དཔེར་ན་ཅ་དངོས་ཀྱི་བང་མཛོད་ལ་དཀོར་མཛོད་དང་དེ་དག་བདག་སྐྱོངས་བྱེད་མཁན་དག་ལ་དཀོར་བདག་ཅེས་འབོད་པ་ལྟ་བུ་རེད། འོན་ཀྱང་གཞུང་ལུགས་ཁག་ལ་ཡང་དང་བསྐྱར་དུ་མཐོང་དུ་ཡོད་པའི་(དཀོར་ལ་འབགས་)ཞེས་པའི་དོན་ཅུང་ཟད་གླེང་བར་བྱས་ན། རང་ཉིད་ལ་མི་དབང་བའི་ནོར་རྫས་ལ་འབགས་པའམ་ཡང་ན་དད་རྫས་དམིགས་ཡུལ་དུ་མ་ཐིངས་པ་སྟེ། མུ་མཐུད་ཀློག

སྐྱིད་ཆུའི་གཞུང་གི་འགྲུལ་པ།།

གངས་ཀྱི་ཤོད་ནས་ན་སྨིན་པའི།།
ཤེལ་གྱིས་བྱུག་པའི་འཛུམ་ཀོང་དེ།།
ཉི་མ་ལྷ་སར་བགད་པ་ཡིས།།
སྐྱིད་ཆུའི་གཞུང་གི་འགྲུལ་བཞུད་པའི།།
ཚོར་བའི་སྙིང་རྟགས་འབུར་དོད་དེས།།
པོ་ཏ་ལ་ཡི་སྒོ་ཡིག་བྱས།། མུ་མཐུད་ཀློག